Madagasikara dia mikendry ny hanarina velaran-tany rakotra ala mirefy 4 tapitrisa hektara hatramin’ny taona 2030, nefa mba hahatratrarana izany dia ilaina ny mandinika ny olana mifandraika amin’ny zo fananan-tany. Ity tetikasa ity dia niara-niasa tamin’ny olona eny ifotony mba hahatakarana ny fifandraisana misy eo amin’ny fananan-tany ara-pomban-drazana sy ny fanarenana ny ala sy ny tontolo manodidina (FLR). Ny ekipa mpikaroka, notarihin’ny CIFOR-ICRAF (ivon-toeram-pikarohana iraisam-pirenena momba ny ala sy ny Ivon-toeram-pikarohana iraisam-pirenena momba ny ala vadim-boly) sy ny ESSA-Forêts (Sampam-piofanana momba ny ala sy ny tontolo iainana ao amin’ny Sekoly ambony momba ny haifamokarana sy ny zava-boahary, Oniversiten’Antananarivo) dia nanatanteraka atrikasa famolavolana vinavina tao amin’ireo toerana nanaovana ny fanadihadiana, mba hanohanana ny tanjona voafaritra mialoha avy amin’ny vehivavy sy lehilahy ao amin’ny fiarahamonina; nanofana mpianatra maro avy amin’ny oniversite amin’ny fomba fikarohana amin’ny sehatra sosialy isan-karazany; ary namolavola fitaovana ho an’ireo mpanao FLR mba hahafantarana ny olana momba ny zo fananan-tany sy ny vahaolana mifandraika amin’izany, izay manome lanja ireo olona eny ifotony – ho an’ny FLR handraisan’ny rehetra anjara.
